Sol Campbell og Hermann Hreiðarsson eru hættir í þjálfun hjá Southend. Frá þessu greinir enska félagið.
Hermann var aðstoðarmaður Campbell hjá liðinu sem leikur í C-deildinni á Englandi.
Southand var í fallsæti þegar deildin var sett í pásu vegna kórónuveirunnar, ákveðið var að hefja ekki leik aftur og er Southend fallið.
Campbell og Hermann stýrðu liðinu í 23 leikjum og unnu aðeins sigur í fjórum þeirra. Hermann og Campbell urðu vinir þegar þeir léku með Portsmouth.