Alþjóða íþrottadómstóllinn mun taka mál Manchester City fyrir frá 8 til 10 júní. Þetta hefur verið staðfest.
UEFA dæmdi City í tveggja ára bann frá Meistaradeildinni. ,,Stuðningsmenn okkar geta verið öryggir með það að þessar ásakanir eru rangar,“ sagði Ferran Soriano, stjórnarformaður Manchester City um dóm UEFA á dögunum.
Málið var fyrst á dagskrá nú í maí en var frestað vegna kórónuveirunnar.
City er sakað um að hafa brotið fjárhagsreglur UEFA, félagið segir UEFA aldrei hafa skoðað málið hlutlaust. UEFA hafi lagt af stað í þessa rannsókn til að dæma félagið.
,,Við munum gera allt til þess að sanna hvað er satt og rétt í þessu máli.“
,,Eigandinn hefur ekki sett inn peninga í félagið án þess að það hafi komið fram,“ sagði Soriano en eigandinn er sakaður um að dæla inn peningum í City í gegnum fyrirtæki sem bróðir hans á.