Jagiellonia Białystok í Póllandi segir að vinstri bakvörðurinn, Böðvar Böðvarsson sé í landsliðshópi Íslands í umspilinu um laust sæti á EM.
Um er að ræða leik gegn Rúmeníu þann 26 mars, vinnist sigur þar fer liðið í úrslitaleik gegn Búlgaríu eða Ungverjalandi.
Erik Hamren hefur ekki valið leikmannahóp sinn og því koma tíðindin frá Jagiellonia Białystok á óvart.
Líklegast er að Böðvar sé í 30 manna hópi sem Hamren og félagar þurfa að skila inn áður en endanlegur 23 manna hópur er valinn. Það þarf því ekki að vera að Böðvar verði í lokahópnum en hann hefur ekki verið í náðinni hjá Hamren og kæmi val hans á óvart.
