Leicester City 0-1 Manchester City
0-1 Gabriel Jesus(80′)
Það fór fram stórleikur á Englandi í kvöld er lið Manchester City og Leicester City áttust við á King Power vellinum.
Það var ágætis fjör í leik kvöldsins en að venju þá var VAR í aðalhlutverki og ekki endilega á góðan hátt.
Leicester vildi fá vítaspyrnu í fyrri hálfleik er boltinn fór í hönd Kevin de Bruyne innan teigs en ekkert var dæmt.
Í seinni hálfleik fékk City svo sína eigin vítaspyrnu er boltinn fór í hönd Dennis Praet innan teigs og steig Sergio Aguero á punktinn.
Spyrna Aguero var hins vegar ekki góð og náði Kasper Schmeichel að verja hana nokkuð auðveldlega.
Staðan var markalaus þar til á 80. mínútu er varamaðurinn Gabriel Jesus skoraði eina mark leiksins til að tryggja City sigur.
City er 19 stigum á eftir toppliði Liverpool sem á þó leik til góða á mánudag.
Enski boltinn á 433 er í boði 
