Gary Lineker er einn frægasti sjónvarpsmaður Bretlands, hann viðurkenndi fyrir nokkrum árum að hafa kúkað á sig í miðjum leik. Atvikið átti sér stað á HM árið 1990 gegn Írland, Lineker hafði verið veikur og harkaði af sér.
Lineker fagnaði sextugs afmæli sínu í vikunni og ræddi þá um hvað hefði gerst á þessu örlagaríka augnabliki.
„Ég hafði verið veikur yfir nóttina og þetta var fyrsti leikurinn, ég hafði verið með niðurgang. Ég vildi ekki segja Bobby Robson þetta, hann hefði mögulega sett mig úr liðinu og ég vildi spila,“ sagði Lineker í hlaðvarpsþætti um málið.
„Leikurinn byrjaði og eftir um tuttugu mínútur fékk ég krampa í magann á nýjan leik, ég náði að þrauka fram í hálfleik og hélt að þetta væri búið.“
Staðan versnaði svo í síðari hálfleik. „Við komum út í síðari hálfleik og eftir tíu mínútur þá kemur þetta aftur. Ég vissi að ég væri í vandræðum. Ég datt niður á grasið eftir smá baráttu á vellinum. Ég slakaði aðeins á, þá kom bara sprengja.“
„Ég vissi ekkert hvað ég ætti að gera, ég tjáði liðsfélaga að ég hefði kúkað á mig. Ég vissi ekki hvað ég ætti að gera, ég fór að nudda mér í grasið til að reyna að þurka mér.“
Lineker grínaðist svo með atvikið. „Það var ótrúlegt pláss á vellinum fyrir mig eftir þetta, það var hræðileg lykt af mér.“
Enski boltinn á 433 er í boði 
