Roy Keane, fyrrverandi leikmaður Manchester United og núverandi sérfræðingur um ensku úrvalsdeildina hjá Sky Sports, telur að David De Gea, markvörður Manchester United, sé ekki nægilega góður fyrir liðið.
„Frammistöður hans á þessu tímabili hafa verið aðeins betri, já. Ég held að það hafi hjálpað honum að Dean Henderson, hafi verið áfram hjá félaginu, þar ertu með almennilega samkeppni,“ sagði Roy Keane hjá SkySports.
Það sé í kjölfarið meiri pressa á De Gea að standa sig, hann hafi ekki efni á því að gera mistök.
„Hann veit að ef hann gerir of mörg mistök, þá mun Henderson taka af honum sætið í liðinu. Frammistöður hans (De Gea) hafa verið betri en ég verð að segja að ég er ekki stærsti aðdáandi hans,“ sagði Roy Keane.
Keane benti á tölfræði sem segir að hans mati allt það sem segja þarf um áhrif markvarðarins.
„Hann er með stóran samning hjá félaginu og hefur gert stór mistök sem hafa valdið því að liðið hefur misst af mikilvægum stigum. Ég held hann sé með einn deildartitil á bakinu á 10 árum, það er ekki góð tölfræði,“sagði Roy Keane.
David De Gea, var í byrjunarliði Manchester United gegn Southampton í dag en þurfti að fara af velli vegna meiðsla í stöðunni 2-0 fyrir Southampton. Henderson kom inn á í hans stað. United vann leikinn, 2-3.
🗣“I’m still not his biggest fan, I just don’t think he does enough for me, he has made big mistakes, he has 1 league title in 10 years that is not a great stat“
Roy Keane thinks that David De Gea has improved since the return of Dean Henderson to the club pic.twitter.com/DpNrjoAtQw
— Football Daily (@footballdaily) November 29, 2020
Enski boltinn á 433 er í boði 
