Erik Hamren lauk leik sem landsliðsþjálfari Íslans gegn Englandi í gær, í rúm tvö ár hefur þessi geðþekki Svíi verið við stýrið.
Hamren tók sjálfur þá ákvörðun að stíga til hliðar og aldrei fóru neinar viðræður við KSÍ áframhaldandi starf, hann vildi stíga til hliðar eftir að hafa mistekist að koma liðinu á Evrópumótið.
Óvíst er hvaða leið stjórn KSÍ fer, mun stjórn sambandsins halda áfram að leita út fyrir landsteinana eða horfa inn á við.
Nýr þjálfari gæti breytt einhverju í liðsvali sínu en Kári Árnason, Hannes Þór Halldórsson, Ari Freyr Skúlason og fleiri gætu horfið á braut eða farið í minna hlutverk. Allir hafa gefið í skyn að þeir gætu hætt í landsliðinu.
Mesta breytingin yrði þá í öftustu línu, líklegast verður að telja að Rúnar Alex Rúnarsson fái traustið í markinu og að Sverrir Ingi Ingason komi inn fyrir Kára Árnason. Ragnar Sigurðsson er 34 ára og gæti tekið eina undankeppni til viðbótar.
Alfons Sampsted bakvörður Bodo/Glimt, besta liðs Noregs er líkur til þess að koma inn í stöðu hægri bakvarðar og þá gæti Guðlaugur Victor Pálsson farið inn á miðsvæðið.
Yngri leikmenn eins og Ísak Bergmann Jóhanesson og Jón Dagur Þorsteinsson gætu svo komið inn í liðið hægt og rólega, Ekki er pláss fyrir miklar breytingar á leikaðferðum eða hugmyndafræði vegna þess hversu lítill tími er til undirbúnings.
Liðið fær um tvær æfingar í mars saman áður en liðið fer í þrjá keppnisleiki um sæti á HM. Undankeppni HM verður spiluð þétt og slæm úrslit í mars gætu einfaldlega bundið enda á drauminn um HM í Katar. Allir leikir Íslands þar verða á útivelli, þrír af fimm í undankeppni HM.
Verður þetta byrjunarlið Íslands þegar undankeppnin hefst í mars?
ÚMögulegt byrjunarlið Íslands í undankeppni HM:
Rúnar Alex Rúnarsson
Alfons Sampsted
Ragnar Sigurðsson
Sverrir Ingi Ingason
Hörður Björgvin Magnússon
Jóhann Berg Guðmundsson
Aron Einar Gunnarsson
Guðlaugur Victor Pálsson
Birkir Bjarnason
Gylfi Þór Sigurðsson
Alfreð Finnbogason