Allir stærstu fjölmiðlar Bretlands fjalla um Ísak Bergmann Jóhanesson 17 ára knattspyrnumann sem vakið hefur áhuga stærstu liða Evrópu síðustu vikurnar. Á síðustu dögum hafa bæði Manchester United og Liverpool sent útsendara sína til Svíþjóðar tli að skoða Ísak.
Mads Jörgensen, njósnari Liverpool, var mættur á leik Norrköping og AIK í gær til að skoða Ísak.
Ísak byrjar alla leiki hjá sænska félaginu Norrköping í úrvalsdeildinni, hann hefur skorað þrjú mörk og lagt upp átta á þessu tímabili. „Þetta hefur verið rosalegur áhugi, við erum með marga öfluga leikmenn en það er ekkert leyndarmál að þessi félög eru að skoða Ísak,“ sagði Stig Torbjornsen yfirnjósnari Norrköping.
„Liverpool er eitt af þessum félögum en það eru önnur tíu að skoða. Öll bestu félög Evrópu hafa komið hingað að skoða hann, þau eru öll spennt. Liverpool er eitt þeirra en það eru tíu til viðbótar. Þetta er skemmtilegt fyrir okkur og Ísak líka.“
Erlendir fjölmiðlar eru byrjuð að grandskoða Ísak og er breska pressan full af fréttum um þennan unga og efnilega pilt í dag eins og sjá má hér að neðan.