Albert Guðmundsson leikmaður íslenska landsliðsins fékk á baukinn frá Ronald de Boer í hollensku sjónvarpi á dögunum. Ástæðan voru eyrnalokkar sem Albert hafði sett í eyru sinn eftir leik, hann mætti svo með lokkana í viðtal eftir góðan sigur í Meistaradeildinni þar sem Albert var á skotskónum.
De Boer var sérfræðingur í spjallþætti eftir leikinn en þar gagnrýndi hann Albert harðlega eftir að viðtal við landsliðsmanninn var spilað. „Ég veit ekki hvort þú tókst eftir því en hann var búinn að setja eyrnalokka í sig fyrir viðtalið. Þannig að hann fór strax í búningsklefann eftir leikinn, setti eyrnalokkana í sig og það án þess að fara í sturtu,“ sagði de Boer.
Meira:
Knattspyrnugoðsögn hraunar yfir íslenskan landsliðsmann – „Ég veit ekki hvort þú tókst eftir því…“
Albert var svo í byrjunarliði Íslands í gær þegar Belgar heimsóttu Laugardalinn í Þjóðadeildinni. Albert átti góðan leik og fór svo í viðtal á Stöð2 Sport.
Albert var búinn að setja eyrnalokkana í eyrun í viðtalinu á Stöð 2 Sport þar sem Henry Birgir Gunnarsson spurði út í þá. „Þú kemur síðastur í viðtal, varstu svona lengi að setja í þig lokkana?“ sagði Henry léttur.
Albert hafði gaman af þessu og sagði „Ekki vera að þessu Henry,“ sagði Albert, léttur ljúfur og kátur..
Klakar pic.twitter.com/NsGTKQXjcF
— Hörður S Jónsson (@hoddi23) October 14, 2020