De Boer var sérfræðingur í spjallþætti eftir leikinn en þar gagnrýndi hann Albert harðlega eftir að viðtal við landsliðsmanninn var spilað. „Ég veit ekki hvort þú tókst eftir því en hann var búinn að setja eyrnalokka í sig fyrir viðtalið. Þannig að hann fór strax í búningsklefann eftir leikinn, setti eyrnalokkana í sig og það án þess að fara í sturtu,“ sagði de Boer.
Þá gagnrýndi de Boer einnig það að Albert talaði á ensku í viðtalinu, þrátt fyrir að hafa verið að spila í Hollandi síðan árið 2013 eða í 7 ár. „Hann talar ekki hollensku eftir sjö ár, það segir eitthvað um hugarfar þessa drengs. Ég hef það á tilfinningunni að hann sé upptekinn af öðrum hlutum. Ég gaf viðtal á spænssku í Barcelona þegar ég var búinn að vera þar í fjóra mánuði,“ segir de Boer en hann spilaði með Barcelona í kringum síðustu aldamót.
Kenneth Perez, annar sérfræðingur þáttarins og fyrrum atvinnumaður sem spilaði lengi í Hollandi, tekur undir með de Boer. „Þetta er ótrúlegt, þetta sýnir hugarfar hans. Þegar þú kemur til nýs lands þá viltu tengja, þú vilt vita hvað er verið að segja í búningsklefaanum. Hann tekur auðveldustu leiðina og hugsar að allir tali ensku, en það vilja allir tala hollensku.“
Í lokin hraunar de Boer yfir Albert. Hann segir það valda honum vanlíðan að Albert sé strax farinn að vinna með eyrnalokkana. „Auðvitað fjarlægist hann stjörnurnar. Þetta er fáránlegt, þetta er í rauninini bara alveg fáranlegt. Að lokum endar hann sem varamaður hjá AZ Alkmaar.“