Pedro, leikmaður Chelsea, gæti verið á förum frá félaginu áður en janúarglugganum lýkur.
Pedro er 32 ára gamall vængmaður en hann er alls ekki fyrsti maður á blað hjá Frank Lampard í dag.
Samkvæmt fregnum dagsins er góður möguleiki á því að Pedro sé á leið til Vissel Kobe í Japan.
Vissel Kobe er þekkt fyrir það að sækja stór nöfn á borð við David Villa, Andres Iniesta og Thomas Vermaelen.
Pedro er kominn með nóg af bekkjarsetunni og gæti vel íhugað að yfirgefa Chelsea áður en mánuðinum lýkur.