Adama Traore, leikmaður Wolves, myndi íhuga það að spila fyrir Real Madrid í framtíðinni.
Traore er 23 ára gamall vængmaður en hann er uppalinn hjá spænska stórliðinu Barcelona.
Það myndi þó ekki stöðva hann frá því að ganga í raðir Real einn daginn ef liðið sýnir áhuga.
,,Ég er ekkert bitur út í Barcelona, minningarnar eru aðeins góðar en ef Real Madrid hringir þá myndi ég íhuga það alveg eins og með Barca,“ sagði Traore.
,,Ég var þarna í tíu ár og á frábærar minningar. Það komu upp vandamál á milli mín og félagsins og einhver misskilningur svo ég fór til að þroskast sem leikmaður.“