Chelsea 2-2 Arsenal
1-0 Jorginho(víti, 28′)
1-1 Gabriel Martinelli(63′)
2-1 Cesar Azpilicueta(84′)
2-2 Hector Bellerin(87′)
Það fór fram stórleikur á Englandi í kvöld þegar Chelsea fékk Arsenal í heimsókn á Stamford Bridge.
Það var líf og fjör á Brúnni í kvöld en það dró til tíðinda í fyrri hálfleik er Chelsea fékk vítaspyrnu.
David Luiz braut á Tammy Abraham innan teigs og fékk að launum rautt spjald og heimamenn víti.
Jorginho skoraði örugglega úr vítaspyrnunni og kom Chelsea í 1-0 gegn tíu mönnum Arsenal.
Chelsea var með öll völd á vellinum eftir markið en Arsenal tókst að jafna í seinni hálfleik eftir skyndisókn.
Gabriel Martinelli átti frábæran sprett alla leið að marki Chelsea og skoraði framhjá Kepa í markinu.
Fyrirliðinn Cesar Azpilicueta skoraði svo annað mark Chelsea undir lok leiksins og var útlitið fyrir að heimamenn myndu taka stigin þrjú.
Ekki löngu seinna jafnaði Hector Bellerin þó fyrir Arsenal með góðu skoti utan teigs og staðan orðin 2-2!
Fleiri mörk voru ekki skoruð og náði Arsenal í frábært stig á útivelli með tíu menn.
Enski boltinn á 433 er í boði 
