Pierre-Emerick Aubameyang hefur skrifað undir þriggja ára samning við Arsenal eftir langt samtal um hvort hann yrði áfram eða færi.
Samningur framherjans frá Gabon átti að renna út næsta sumar en hann hefur nú skrifað undir nýjan þriggja ára samning. Aubameyang hefur raðað inn mörkum hjá Arsenal frá því að hann kom til félagsins frá Dortmund í janúar árið 2018.
Framherjinn knái verður með þessu launahæsti leikmaður ensku úrvalsdeildarinnar, hann þénar meira en Mesut Özil samherji sinn sem er með 350 þúsund pund á viku. Aubameyang mun því taka meira en 60 milljónir króna heima í hverri viku.
Á eftir honum koma Özil og David de Gea markvörður Manchester United. Athygli vekur að á meðal tíu launahæstu leikmanna deildarinnar er ekki neinn úr röðum Liverpool.
Besta lið Englands virðist ekki borga sömu laun og önnur félög. Manchester City er með þrjá leikmenn, sömu sögu er að segja af Manchester United og Arsenal. Chelsea hefur svo einn á listanum.
Enski boltinn á 433 er í boði 
