Mikel Arteta, stjóri Arsenal, segir að toppleikmenn muni vilja semja við félagið í sumarglugganum.
Arsenal mun eflaust styrkja sig fyrir næstu leiktíð en liðið getur mest komist í Evrópudeildina.
Þrátt fyrir það telur Arteta að það séu margir leikmenn þarna úti sem vilja koma á Emirates og leika fyrir félagið.
,,Já við getum samið við þá. Við eigum ótrúlega sögu og erum í fallegri borg. Við spilum fótbolta sem heillar aðra,“ sagði Arteta.
,,Ég segi þetta núna því við nálgumst markaðinn og þegar ég ræði við fólk þá vilja leikmenn spila fyrir arsenal.“