Mesut Özil, leikmaður Arsenal, er aðeins opinn fyrir tveimur löndum ef hann á að yfirgefa félagið.
Allar líkur eru á að Özil fari í sumar en hann er ekki inni í myndinni hjá Mikel Arteta.
Özil er orðinn 31 árs gamall en hann er launahæsti leikmaður Arsenal og fær 350 þúsund pund í vikulaun.
Samkvæmt fregnum dagsins mun Özil aðeins semja við lið í annað hvort Bandaríkjunum eða í Tyrklandi.
Özil hefur ekki áhuga á öðru liði á Englandi og ætlar ekki að snúa aftur til Spánar þar sem hann var hjá Real Madrid.
Miðjumaðurinn á aðeins eitt ár eftir af samningi sínum við félagið.
