Breiðablik 3-3 FH
0-1 Hjörtur Logi Valgarðsson (22′)
1-1 Kristinn Steindórsson (27′)
2-1 Thomas Mikkelsen (33′)
2-2 Atli Guðnason (48′)
3-2 Thomas Mikkelsen (58′)
3-3 Steven Lennon (víti, 68′)
Það var verulega fjörugur leikur á dagskrá í úrvalsdeild karla í kvöld þegar Breiðablik fékk FH í heimsókn.
Áhorfendur fengu svo sannarlega eitthvað fyrir peninginn í kvöld en sex mörk voru á boðstólnum.
FH komst yfir með marki frá Hirti Loga Valgarðssyni á 22. mínútu en sú forysta entist í fimm mínútur eftir jöfnunarmark Kristins Steindórssonar.
Blikar komust svo aftur yfir ekki löngu seinna er danska markavélin Thomas Mikkelsen skoraði frábært mark.
Staðan var 2-1 í leikhléi en snemma í síðari hálfleik skoraði Atli Guðnason fyrir FH og jafnaði í 2-2.
Mikkelsen var svo aftur á ferðinni tíu mínútum síðar og kom Blikum í 3-2 með föstu skoti innan teigs.
Vítaspyrna var svo dæmd á Damir Muminovic á 67. mínútu og úr henni skoraði Steven Lennon örugglega til að tryggja FH eitt stig.
FH er í fimmta sæti með sjö stig eftir leikinn og Blikar á toppnum með 11 stig eftir fiimm leiki.
