Páll Kristjánsson formaður knattspyrnudeildar KR segir reksturinn afar þungan og kallar eftir því að KSÍ gefi fjármuni í félögin.
Páll tók við starfinu á dögunum og hefur þurft að taka til í rekstri KR.
„Þetta eru búnir að vera mjög erfiðir og krefjandi þrír mánuðir – mars, apríl og maí. Það hafa verið stórar áskoranir en við höfum unnið mjög vel í okkar málum og búnir að taka verulega til í rekstrinum. Það er búið að endursemja við næstum allan meistaraflokk karla, sem er stærsti kostnaðarliður á rekstri deildarinnar,“ sagði Páll í hlaðvarpi KR.
Páll Kristjánsson, formaður knattspyrnudeildar KR, er gestur KR-hlaðvarpsins að þessu sinni. Hann ræðir tæpitungulaust um ástandið í Covid-19 faraldri, fjármál knattspyrnudeildar og hugmyndir um breytt KR svæði.https://t.co/SXtE0edWNj#allirsemeinn #stórveldið pic.twitter.com/p8uQGLg1PV
— KR Reykjavik FC (@KRreykjavik) May 21, 2020
Búið er að endursemja við flesta leikmenn í karlaliði félagsins. „Ég get alveg sagt að það hafi verið erfitt að endursemja við leikmenn. Það er þó ekki af því að strákarnir hafa ekki verið ósanngjarnir, þvert á móti. Auðvitað eru menn missveigjanlegir og ég held það endurspeglist fyrst og fremst eftir fjölskylduaðstæðum hvers og eins.“
Hann kallar eftir því að Guðni Bergsson formaður KSÍ kafi í sjóði sambandsins og rétti félögunum fjármuni. „Ég tel KSÍ sitja á sjóðum sem á að ráðstafa til aðildarfélaganna. Menn virðast vera að bíða eftirhvað ÍSÍ ætlar að gera, hvað ætlar ríkisstjórnin að gera og hvað ætla hinir og þessir að gera. Við erum að fara inn í þriðju mánaðarmótin án þess að það sé eitthvað gert,“