Neil Ruddock fyrrum varnarmaður Liverpool og Tottenham varð brjálaður í beinni útsendingu þegar Paul Merson vinur hans ræddi vandamál hans með áfengi við hann. Ruddock drekkur mikið en Merson hætti að drekka fyrir rúmu ári og vill hjálpa vini sínum. Ruddock er Íslandsvinur en hann kom hingað til lands og tók hraustlega á því með Liverpool klúbbnum hér á landi árið 2010.
Þeir voru mætti í sjónvarpsþáttinn Harry’s Heroes þegar allt sauð upp úr. Ruddock var að sturta í sig áfengi þegar Merson benti honum á að hann væri að glíma við vandamál.
Ruddock varð fyrst um sinn alveg brjálaður og hótaði að lemja góðan vin sinn. Hann hefur nú játað vandamálið og leitar sér hjálpar.
Ruddock fór til læknis vegna hjartsláttartruflanna sem eru vegna of mikillar neyslu á áfengi. „Við eigum í góðu sambandi og ég vil ekki að Merson hugsi að hann hafi ekki átt að tala við mig. Ég vil bara þakka honum fyrir að ýta í mig og láta mig heyra það,“ segir Ruddock í dag.
„Ég hef áttað mig á vandamálinu og að Merson þykir vænt um mig. Ég virði hann fyrir að hafa pung í að tala um þetta við mig, það eru ekki margir með pung í það.“
„Ég áttaði mig ekki á því hversu slæmt vandamálið var orðið, ég er nú með tæki sem aðstoðar mig við hjartsláttartruflanir. Ég vil ekki að Merson hugsi að það hafi verið rangt að ræða þetta vandamál við mig.“