Hallbera Gísladóttir, landsliðskona, birti ansi skemmtilega færslu á Twitter í gær en þar bendir hún á landsliðsmynd.
Hallbera talar um ‘óþægilegustu liðsmynd sem hefur verið tekin’ en hún er þar ásamt liðsfélögum sínum í landsliðinu.
Á myndinni eru allar stelpurnar í landsliðstreyjunni fyrir utan Hallberu sem er enn í æfingagallanum.
Anna Björk Kristjánsdóttir greindi fyrst frá þessu í viðtali við Fótbolta.net þar sem hún tjáði sig um atvikið.
Hallbera birti síðar færslu um atvikið á Twitter áður en Freyr Alexandersson, fyrrum landsliðsþjálfari, svaraði.
,,Já þarna langaði mig að slíta af þér hausinn. Þú vissir það sennilega og lagðir upp nokkur í staðin. Þú veist best hvað þarf til að ná upp góðum focus,“ skrifaði Freyr í góðu gríni.
Þetta má sjá hér.
Oþægilegasta liðsmynd sem hefur verið tekin. Höndin á hnénu á Elísu er t.d algjört panik move. @freyrale var allt annað en sáttur 😂😂 https://t.co/yigptM1rX5 pic.twitter.com/xbgNfAXThV
— Hallbera Gisladottir (@HallberaGisla) 28 March 2020