Liverpool er úr leik í Meistaradeild Evrópu eftir leik við Atletico Madrid í kvöld á Anfield.
Fyrri leiknum lauk með 1-0 sigri Atletico á heimavelli og var því mikið undir í seinni leiknum.
Leik kvöldsins lauk með 3-2 sigri Atletico eftir framlengingu og kveður Liverpool keppnina í 16-liða úrslitum.
Það er óhætt að segja að Liverpool hafi verið betri aðilinn í kvöld en liðið átti 35 skot að marki Atletico.
12 af þessum 35 skotum fóru á rammann en Jan Oblak var í essinu sínu á milli stanganna.
Atletico fékk þó sín færi og átti sex skot á mark Liverpool og þrjú af þeim fóru inn.