Það eru þrír leikmenn á förum frá Chelsea í janúarglugganum samkvæmt nýjustu fregnum.
Chelsea getur keypt leikmenn á ný í janúar en liðið var í félagaskiptabanni í sumar og gat ekki fengið leikmenn inn.
Pedro, vængmaður liðsins, er líklega á förum en Aston Villa vill fá hann í sínar raðir.
Hinir tveir eru þeir Marcos Alonso og Olivier Giroud en þeir fá mjög takmarkað að spila þessa dagana.
Giroud er framherji sem gæti farið heim til Frakklands en Alonso er orðaður við endurkomu til Ítalíu – hann lék áður fyrir Fiorentina.
Antonio Conte, stjóri Inter Milan, vann áður með Alonso hjá Chelsea og gæti einnig íhugað tilboð.