fbpx
Miðvikudagur 30.september 2020
433Sport

Þórður Snær urðar yfir Gylfa: „Í ár hefur hann verið ein hreinasta hörmung“

Ritstjórn DV
Mánudaginn 13. janúar 2020 12:00

Ekki missa af Helstu tíðindum dagsins í pósthólfið þitt

Lesa nánar

Þórður Snær Júlíusson, ritstjóri Kjarnans fer ekki fögrum orðum um Gylfa Þór Sigurðsson, besta knattspyrnumann Íslands. Þórður lét gamminn geisa þegar hann ræddi um Gylfa við Fótbolta.net á x977 um helgina.

Gylfi og aðrir leikmenn Everton hafa verið gagnrýndir síðustu vikur, Gylfi bar fyrirliðaband Everton um helgina í sigri á Brighton. Miðjumaðurinn knái átti fínan leik og virðist lykilmaður í plönum Carlo Ancelotti, þó ensk blöð haldi öðru fram.

„Maður hefur sterkar taugar til landa sinna sem eru að afreka eitthvað á íþróttasviðinu sama hver það er. Það er gaman að hafa Íslending í liðinu sem maður heldur með en það verður að segjast eins og er þar sem ég horfi á því miður hverja mínútu af öllum Everton leikjum og hef séð meira af Gylfa Þór Sigurðssyni en all flestir þá hefur hann valdið feikilega miklum vonbrigðum,“ sagði Þórður á X977 um helgina.

Þórður urðaði síðan yfir Gylfa og sagði hann hafa staðið hörmulega á þessu ári en Þórður er stuðningsmaður Everton.

„Í ár hefur hann verið ein hreinasta hörmung og í mjög slöku liði og að jafnaði einn slakasti leikmaðurinn. Manni sýnist að það hljóti að vera annað hvort núna eða næsta sumar að leiðir muni skilja. Ég held að það sé best fyrir hann og klúbbinn.“

Gylfi var öflugur með Everton á síðustu leiktíð en Þórður gagnrýnir Gylfa samt fyrir frammistöðuna þar. „Það er ýmislegt sem faldi það í fyrra, ef þú horfir á statístíkina í fyrra þá var hann að búa til færi og skora mörk. Skoraði fjórtán mörk sem er mjög vel gert fyrir leikmann sem er að spila í hans stöðu en vandamálið er að hann er alltof mikill skorpuleikmaður og var að koma inn í leiki endrum og sinnum en var ekki að vera þessi stöðugleiki í sköpun sem var verið að leitast eftir og það sem leikskipulagið gekk út á.“

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 15 klukkutímum

Segir Leno ekki nógu góðan fyrir Arsenal – Fær Rúnar Alex tækifæri?

Segir Leno ekki nógu góðan fyrir Arsenal – Fær Rúnar Alex tækifæri?
433Sport
Fyrir 16 klukkutímum

Vika til að leysa krísuna

Vika til að leysa krísuna
433Sport
Í gær

Tíu kórónuveirusmit í ensku úrvalsdeildinni

Tíu kórónuveirusmit í ensku úrvalsdeildinni
433Sport
Í gær

Íslenskur slúðurpakki: Hvað gera Eiður Smári og Logi? – Kristinn gæti endað á Hlíðarenda

Íslenskur slúðurpakki: Hvað gera Eiður Smári og Logi? – Kristinn gæti endað á Hlíðarenda
433Sport
Í gær

Enginn nýr samningur á borði Guðmanns frá FH – Skoðar aðra kosti

Enginn nýr samningur á borði Guðmanns frá FH – Skoðar aðra kosti
433Sport
Í gær

Byrjað að færa leiki inn – Fjölnir fer í Egilshöll

Byrjað að færa leiki inn – Fjölnir fer í Egilshöll