Ólafur Jóhannesson, þjálfari Vals hefur staðfest að félagið hafi látið hann vita af því að viðræður við annan þjálfara væru að fara í gang. Þetta kemur fram á Fótbolta.net.
Það hefur legið í loftinu síðustu vikur að Valur myndi skoða aðra kosti en Ólaf Jóhannesson. Ekkert hefur verið sagt fyrr en nú.
Ágúst Gylfason, þjálfari Breiðabliks og Heimir Guðjónsson þjálfari HB í Færeyjum eru mest orðaðir við starfið. Möguleiki er á að Blikar losi Ágúst undan samningi og samningur Heimis er á enda í Færeyjum.
Tímasetningin á þessum tíðindum tengja báða menn við starfið. Ágúst hefur tryggt Blikum 2 sætið og hefur að engu að keppa í síðustu umferð, Heimir varð bikarmeistari í Færeyjum um helgina.
HB á ekki möguleika á að vinna deildina og því gæti Heimir kosið að ræða við Val, nú þegar tímabilið er senn á senda.