Heimir Guðjónsson og félagar í HB spiluðu við Víking Gota í úrslitum færeyska bikarsins í kvöld.
Heimir hefur náð frábærum árangri með lið HB en liðið vann deildina sannfærandi í fyrra.
Nú er Heimir búinn að bæta við enn einum titlinum í safnið en HB hafði betur 3-1 í kvöld.
Brynjar Hlöðversson er einnig á mála hjá HB og spilaði hann í sigri liðsins.
Óvíst er hvort Heimir haldi áfram með liðið en hann er orðaður við félög hér heima.