Ole Gunnar Solskjær, stjóri Manchester United, vill halda undrabarninu Mason Greenwood hjá félaginu.
Greenwood er aðeins 17 ára gamall og skoraði eina markið í gær er United vann 1-0 sigur á Astana í Evrópudeildinni.
Solskjær staðfesti það eftir leik að viðræður væru í gangi en Greenwood er ekki sá eini sem gæti átt von á samningstilboði.
,,Við erum alltaf að ræða við strákana. Mason er einn af þeim sem við viljum halda,“ sagði Solskjær.
,,Hann lærir á hverjum degi, hann æfir með betri leikmönnum og hann venst þessu betur því meira sem hann fær að spila.“