Cristiano Ronaldo þarf ekki að svara til saka vegna nauðgunnar sem hann var sakaður um, málið var fellt niður. Ronaldo var ásakaður um nauðgun af fyrrum fyrirsætunni Kathryn Mayorga en þau hittust á næturklúbbi árið 2009.
Mayorga ásakaði Ronaldo um að hafa nauðgað sér á hótelherbergi í Las Vegas en Portúgalinn hélt alltaf fram sakleysi sínu. Engin sönnunargögn fundust í máli Ronaldo og hefur því verið lokað.
Mayorga og Ronaldo eyddu nótt saman á Palms hótelinu í Vegas en sá síðarnefndi var þá nýbúinn að skrifa undir hjá Real Madrid. Hún sakaði Ronaldo um grófa nauðgun.
Ronaldo hefur í fyrsta sinn rætt málið við fjölmiðla. ,,Þau reyna að spila á stolt þitt,“ sagði Ronaldo í viðtali við Piers Morgan.
,,Þetta er erfitt, þú átt kærustu, fjölskyldu og börn. Það er ekki gaman þegar það er vegið að heiðarleika þínum. Þetta er mjög erfitt.“
Ronaldo skammaðist sín þegar Mayorga steig fram og ásakaði hann um þetta í upphafi árs. ,,Ég var heima í sófa og þá komu fréttir um mig og þetta mál. Þú heyrir að börnin koma niður stigann og þú skiptir um stöð. Ég skammaðist mín, mjög mikið.“
,,Þér líður svo illa.“