Ólafur Kristjánsson, þjálfari FH, var hress í kvöld er hann ræddi við Stöð 2 Sport eftir leik við Stjörnuna.
FH lenti 1-0 undir í leik kvöldsins en svaraði vel fyrir sig og vann að lokum 3-1 sigur í Garðabænum.
,,Fyrsta korterið erum við miklu betri, Stjarnan þvingar okkur til að sparka boltanum en þeir skora gott mjög gott mark og ég hefði viljað fá uppskriftina af þessu,“ sagði Ólafur við Stöð 2 Sport.
,,Við nýttum stöðurnar ekki á köntunum í fyrri hálfleik en vorum aggressívari í þeim seinni og tókum leikinn yfir og átum þetta.“
,,Við spilum frábærar 52 mínútur gegn Blikum um daginn og töluðum að hrista það af okkur.“
,,Ég sagði fyrir leik að þetta væri góður pallur fyrir bikarúrslit og að vera með þessi 31 stig. Nú fögnum við þessu og svo eru þrír leikir í september þar sem við verðum að ná í stig. Þetta var geggjað að klára þetta með þessum hætti.“
,,Ef við spilum svona þá klárum við flesta leiki en það er að ná þessum neista og halda honum.“