HK er heitasta liðið í Pepsi Max-deild karla en liðið vann magnaðan 4-1 sigur á besta liði deildarinnar, KR í gær.
HK sem eru nýliðar, sitja í fjórða sæti Pepsi Max-deildarinnar og á góðan séns á Evrópusæti. Kristján Óli Sigurðsson, sérfræðingur Dr Football, vill sjá liðið fá meiri stuðning.
,,Þú segir lið fólksins? Það er ekkert fólk sem mætir í Kórinn, þegar liðið er komið í toppbaráttu,“ sagði Kristján Óli í Dr Football þætti dagsins.
Kristján segir að kuldi utandyra geti ekki verið afsökun, því HK leikur inni í Kórnum.
,,Ég verð að fara að óska eftir standard í Kórahverfinu, fólk þarf að drullast inn í Kór. Það er ekki eins og það hafi verið afsökun að fara ekki út í kuldann í gær. Það var 20 stiga hiti í Kórnum.“
,,Það er synd að það séu ekki fleiri HK-ingar sem eru vitni af því þegar liðið vinnur KR 4-1, þeir fyrir ofan Val.“
Þátt dagsins má heyra hér að neðan.