Hlaðvarpsþátturinn, 90 mínútur heldur áfram á fullu fjöri en um er að ræða þátt sem Hörður Snævar Jónsson, ritstjóri 433.is stýrir.
Þátturinn hefur notið mikilla vinsælda en afar áhugaverðir gestir hafa komið í þáttinn.
Gestur þáttarins að þessu sinni er Kári Árnason, sem hefur átt magnaðan feril í atvinnumennsku, hann er nú mættur heim eftir 15 ára feril erlendis. Kári lék í Svíþjóð, Danmörku, Englandi, Skotlandi, Kýpur og Tyrklandi á ferlinum.
Kári sagði mjög skemmtilega sögu af því þegar hann fékk samning hjá enska liðinu Plymouth.
Kári spilaði með Plymouth frá 2009 til 2011 en hvernig hann samdi við félagið var ansi athyglisvert.
Það var enginn sérstakur áhugi á Kára sem var bara sagt að mæta til Plymouth og æfði þar með 60 öðrum leikmönnum sem reyndu að komast í liðið.
,,Ég mæti á Paddington stöðina, það er engin leið til að komast til Plymouth nema bara með lest,“ sagði Kári.
,,Þá hringi ég í Andy King heitinn sem var head scout og kynni mig. Hann var bara: ‘ha? hver?’ – ég kynni mig aftur og hann veit ekkert um hvern er verið að tala.“
,,Ég fattaði það strax út á hvað þetta gekk en ákvað fyrsta að ég væri kominn að bara fokk it, að ég þyrfti að mæta á staðinn.“
,,Hann sagði mér bara að finna mér eitthvað hótelherbergi, að ég myndi gista einhvers staðar á Paddington á föstudegi klukkan átta eða eitthvað. Allar lestar voru farnar þannig ég þurfti að fara í trialið um morguninn.“
,,Ég fæ hótelherbergi og fer svo um morguninn og hringi í hann á lestarstöðinni, það sótti mig enginn þannig ég tók bara leigubíl á æfingasvæðið.“
Þegar Kári mætti á æfingu þá fjölmargir leikmenn komnir. Þeir áttu bara að spila sín á milli og reyna að sanna sig fyrir stjóranum.
,,Ég mæti á æfingasvæðið og það þekkir mig enginn þar. Ég mætti inn í klefa og það voru svona 60 manns þar. Það eru bara allra þjóðar kvikindi, frá Skandinavíu, Asíu, Tyrklandi, Afríku og allt mögulegt.“
,,Þetta var bara blanda af leikmönnum. Þáverandi stjórinn Paul Sturrock var búinn að line-a up öllum símtölum sem hann fékk um trial. Að við myndum bara allir mæta í einn dag og spila einhverja leiki þarna.“
,,Þetta var algjört djók sko. Þetta var bara free for all – það reyndu allir að sóla upp völlinn með boltann og algjör steypa. Það rættist úr þessu, ég náði að skora og eitthvað.“