Matt Ryan, markvörður Brighton, er hæstánægður með það að Eden Hazard sé farinn úr ensku úrvalsdeildinni.
Hazard lék með Chelsea í sjö ár en skrifaði undir samning við Real Madrid í sumarglugganum.
Ryan var ekki mikið fyrir það að verja skot frá Hazard og þarf nú ekki að spila gegn honum á næstu leiktíð.
,,Í síðustu fjögur skipti sem ég hef mætt honum þá held ég að ég hafi ekki varið eitt skot frá honum,“ sagði Ryan.
,,Annað hvort þá hefur hann skotið í varnarmann, framhjá eða þá að boltinn hafi farið í netið.“
,,Það var frekar pirrandi svo ég þakka Guði fyrir það að hann sé farinn annað. Ég mæli með honum fyrir Real Madrid.“
,,Ég myndi elska það að fá tækifæri til að spila gegn honum aftur og stöðva hann, það hvetur mig áfram.“
Enski boltinn á 433 er í boði 
