Valur hafði samband við Stjörnuna og vildi skipta á Gary Martin framherja liðsins og Guðmundi Steini Hafsteinssyni framherja Stjörnunnar. Þetta herma heimildir 433.is.

Stjarnan hafnaði þessu boði, félagið vill ekki missa Guðmund Stein, þó annar framherji myndi koma í hans stað, í þessu tilfelli Gary Martin. Guðmundur Steinn ólst upp í Val en fer ekki frá Stjörnunni.

Börkur Edvardsson, formaður knattspyrnudeildar Vals segir við Vísir.is fyrr í dag, að Valur hafi ekki verið að reyna að losa Gary. Þó hann megi fara, félagið hefur samt boðið Stjörnunni og fleiri liðum að fá hann í skiptum fyrir aðra leikmenn. „Staðan er sú sama. Hann er hjá Val og allt í góðu. Við erum ekkert að reyna að losna við hann og höfum ekkert verið að gera það,“ sagði Börkur við Vísir.is.

Meira:
Gary Martin í áfalli: Leikmenn Vals trúa ekki hvað er í gangi – ,,Valur hefur sett mig í mjög erfiða stöðu“

Valur hefur hug á að losa sig við Gary Martin, þetta staðfesti Ólafur Jóhannesson þjálfari Vals við 433.s í gær. Sú staðreynd hefur vakið gríðarlega athygli, enda kom Gary til Vals í janúar. Þá horfðu allir bjartir til framtíðar á samstarfið, og fékk Gary þriggja ára samning.

Félagaskiptaglugginn á Íslandi lokar í kvöld og er líklegt að Valur kræki í framherja áður en glugginn lokar, Gary Martin ætlar hins vegar ekki að fara.

Meira:
Eru þetta ástæðurnar fyrir því að Valur vill Gary Martin burt? – ,,Eins og að giftast alkóhólista og sækja svo um skilnað“