Ole Gunnar Solskjær telur að slæmt gengi Manchester United, undir lok leiktíðar muni hjálpa sér til framtíðar.
Hann segist vita betur hverjum hann getur treyst, til að koma United aftur í fremstu röð. Solskjær byrjaði frábærlega í starfi en síðan tóku hörmungar við.
Leikur liðsins hrundi undir lok leiktíðar sem varð til þess að liðið spilar í Evrópudeildinni að ári.
,,Þú lærir mikið þegar þú ferð í gegnum erfiða tíma, þú sérð hvaða leikmenn þú getur notað til að bygja lið í kringum. Hverjir eru klárir í að taka næsta skref,“ sagði Solskjær.
,,Síðasti kaflinn var erfiður, það segir ekkert um það að leikmenn hafi allt í einu orðið lélegir. Þetta var erfitt, tímabilið var langt, erfitt andlega og líkamlega fyrir leikmenn. Sérstaklega andlega.“