Jesse Lingard, leikmaður Manchester United, lék með liðinu í gær í leik gegn grönnunum í Manchester City.
United þurfti að sætta sig við nokkuð sannfærandi 2-0 tap í gær og eru úrslitin ekki góð fyrir baráttuna um Meistaradeildarsæti.
Lingard fékk mjög gott færi í leiknum til að skora fyrir heimamenn en hann átti möguleika á að jafna leikinn.
Enska landsliðsmanninum tókst þó ekki að koma boltanum í netið af stuttu færi og gat boltastrákur á Old Trafford varla trúað því.
Boltastrákurinn var undrandi yfir því hvernig Lingard fór að því að klikka á færinu eins og má sjá hér fyrir neðan.