Unai Emery, fyrrum stjóri Arsenal hefur fundað með forráðamönnum Everton sem vilja ráða hann til starfa. Sky Sports segir frá.
Marco Silva, var rekinn frá Everton í síðustu viku en Gylfi Þór Sigurðsson leikur með félaginu.
Duncan Ferguson stýrir Everton tímabundið en liðið vann Chelsea undir hans stjórn um helgina.
Sky Sports segir að Emery vilji fá smá tíma til að hugsa sig um, aðeins eru um tíu dagar síðan að Arsenal rak hann úr starfi.
Emery vill halda áfram að starfa á Englandi en veltir því fyrir sér hvort hann þurfi smá hvíld eftir erfiða tíma hjá Arsenal.