Birkir Bjarnason var í byrjunarliði Al-Arabi í dag sem spilaði við Al-Duhail í Katar.
Um var að ræða leik í QSL bikarnum en Al-Arabi er í riðli B og situr í 3. sætinu þar.
Liðið gerði 2-2 jafntefli á heimavelli í dag sem eru fínustu úrslit eftir að hafa lent tvisvar undir.
Heimir Hallgrímsson og félagar eru taplausir eftir fimm leiki en hafa þó gert fjögur jafntefli.
Birkir spilaði með liðinu í jafnteflinu en Aron Einar Gunnarsson er enn frá vegna meiðsla.