Sara Björk Gunnarsdóttir, ein fremsta knattspyrnukona í sögu Íslands segir áhugaverða sögu í bók sinni sem var að koma út. Sara gerir upp feril sinn í þessari merkilegu sögu.

Þegar Sara var í 9 bekk í grunnskóla, þá slasaðist hún illa. Hún hafði verið í skólaferðalagi og var sárþjáð eftir boltaleik með krökkunum. Hún hélt til Reykjavíkur með foreldrum sínum og þar kom fyrsta höggið. Á þessum tíma vissu margir að Sara væri ein efnilegasta íþróttakona landsins.

Hún ræddi málið við Dr. Football og minnist á orð sem einn læknir sagði við hana.

,,Ég hélt sjálf að þetta væri búið, það var einn bæklunarlæknir sem sagði mér að ég gæti orðið flugfreyja. Ég grét eins og ég veit ekki hvað eftir á, hann sagði mér að þetta væri búið,“ sagði Sara Björk við Dr. Football.

,,Þá fékk ég annað álit, það gekk ótrúlega vel. Ég hef aldrei fundið fyrir neinu eftir það, ekkert vesen síðan. Ég var ung og fékk góða styrktarþjálfun, verð meðvituð hvað ég þarf að gera fyrir líkamann á mér. Fór að hugsa vel um sjálfan mig.“