Quique Sanchez Flores var rekinn frá Watford í gær eftir slaka byrjun á leiktíðinni.
Flores tók við þegar fjórir leikir voru búnir en fékk aðeins að stýra liðinu í tíu leikjum.
Eigendur Watford eru með litla sem enga þolinmæði og ákváðu að gefa Flores ekki meiri tíma til að snúa genginu við.
Flores var rekinn frá Watford í annað sinn en hann stýrði liðinu einnig tímabilið 2015-2016.
Chris Hughton er nú að taka við liðinu samkvæmt fregnum en hann var síðast hjá Brighton 2014-2019.
Hughton er 60 ára gamall en hann hefur einnig þjálfað Birmingham, Newcastle og Norwich.
Enski boltinn á 433 er í boði 
