Manchester City verður án tveggja lykilmanna í leik gegn Arsenal í ensku úrvalsdeildinni á morgun.
Leikið er á Emirates vellinum í London en bæði lið þurfa á sigri að halda í baráttu um toppsætið og Meistaradeildarsæti.
Sergio Aguero verður ekki klár fyrir leik morgundagsins en hann hefur misst af síðustu fimm leikjum vegna lærmeiðsla.
John Stones er að glíma við svipuð meiðsli og verður ekki leikfær í viðureigninni.
Líklegt er því að miðjumaðurinn Fernandinho spili hafsent ásamt Argentínumanninum Nicolas Otamendi.
