Peter Crouch, fyrrum leikmaður Liverpool, er viss um að liðið muni vinna ensku úrvalsdeildina á þessu tímabili.
Liverpool hefur aldrei unnið úrvalsdeildina síðan hún var stofnuð en liðið er taplaust á toppnum í dag.
Crouch er nokkuð viss um það að það verði fagnað í Liverpool næsta sumar þegar tímabilið endar.
,,Ég held að það sé búið að skrifa nafn Liverpool á titilinn. Ég held að enginn geti náð þeim,“ sagði Crouch.
,,Leicester er næst þeim en ég sé bara ekki Liverpool tapa svona mörgum stigum. Þeir hafa verið ótrúlegir síðustu tvö ár.“