Manchester City 1-2 Manchester United
0-1 Marcus Rashford(víti, 23′)
0-2 Anthony Martial(29′)
1-2 Nicolas Otamendi(86′)
Það fór fram stórleikur í ensku úrvalsdeildinni í kvöld er Manchester City og Manchester United áttust við.
Leikið var á heimavelli City og voru meistararnir taldir sigurstranglegri fyrir leikinn.
United komst þó yfir í kvöld en Marcus Rashford skoraði þá úr vítaspyrnu eftir að Bernardo Silva hafði gerst brotlegur innan teigs.
Ekki löngu síðar var staðan orðin 2-0 en Anthony Martial skoraði þá með góðu skoti framhjá Ederson í marki City.
Staðan var 2-0 alveg þar til fjórar mínútur voru eftir en þá minnkaði Nicolas Otamendi muninn fyrir heimamenn.
City pressaði verulega undir lok leiksins enh það dugði ekki til og óvæntur sigur United staðreynd.
United er nú með 24 stig í 5.sæti deildarinnar, fimm stigum frá Chelsea sem er í fjórða sætinu. City situr í þriðja sæti, 14 stigum á eftir Liverpool.
