Jose Mourinho, stjóri Tottenham, hefur tjáð sig um framtíð miðjumannsins Christian Eriksen.

Eriksen er sterklega orðaður við brottför þessa dagana en hann verður samningslaus næsta sumar.

,,Það er ekki mikið sem er hægt að segja þar til ég hef eitthvað alveg skýrt í höndunum,“ sagði Mourinho.

,,Það eina sem er augljóst er að leikmaðurinn verður frjáls ferða sinna í lok tímabilsins. Það er það eina sem við vitum.“

,,Auðvitað hef ég rætt við hann, ég verð að verja það sem er best fyrir félagið. Félagið mitt er mikilvægara en leikmennirnir og þeir eru mikilvægari en ég.“