Dagana 3. – 9. nóvember síðastliðinn æfðu þrír efnilegir leikmenn Stjörnunnar með danska úrvalsdeildarliðinu AGF í Árósum.
Leikmennirnir eru þeir Adolf Daði Birgisson, Eggert Aron Guðmundsson og Guðmundur Baldvin Nökkvason og eru þeir leikmenn 3.flokks.
Heimsóknin er liður í samstarfi Stjörnunnar og AGF þar sem liðin senda leikmenn sín á milli sem og fá þjálfarar félaganna aðgengi að þjálfun og starfsemi hvors félags fyrir sig.
,,Hjá AGF æfðu drengirnir við flottar aðstæður og fengu að kynnast umhverfi eins og það gerist best í Danmörku,“ segir á vef Stjörnunnar.