Edwin van der Sar, goðsögn Manchester United, mun ekki snúa aftur til félagsins sem yfirmaður knattspyrnumála.
Hollendingurinn hefur verið orðaður við starfið en hann vinnur hjá Ajax þessa stundina.
Van der Sar gerði í gær nýjan fjögurra ára samning við Ajax og er því ekki á förum í næstunni.
Hann spilaði með liði United í sex ár og vann Meistaradeildina einu sinni og ensku deildina fjórum sinnum.
Endalausar sögusagnir hafa verið í gangi með Van der Sar en hann hefur nú lokað á þær allar.
