Andy Robertson, leikmaður Liverpool, óttast að ökklameiðsli muni setja stórt strik í reikninginn á þessu tímabili.

Robertson hefur spilað meiddur undanfarnar vikur og hefur nánast ekkert getað æft.

Hann hefur dregið sig úr skoska landsliðshópnum vegna meiðsla og er hræddur um að meiðslin gætu haft stór áhrif.

,,Það eru mikil vonbrigði að missa af þessu. Mér er alveg sama hvaða leikur það er, ég vil spila og hef sýnt það í fimm ár,“ sagði Robertson.

,,Undanfarnar tvær vikur hef ég ekkert æft með Liverpool. Ég æfi degi fyrir leik og gat aðeins spilað 15 mínútur gegn Genk.“

,,Þetta endurtekur sig ef ég gef þessu ekki tíma. Ég vil ekki meiðast aftur og eyðileggja tímabilið.“

,,Það er búið að taka ákvörðun og ég ræð þessu ekki. Það særir fyrirliðann að missa úr.“

Enski boltinn á 433 er í boði