The Athletic greinir frá því í dag að fyrirliðaband Pierre-Emerick Aubameyang sé nú þegar í hættu.
Aubameyang fékk bandið nýlega eftir að Unai Emery, stjóri Arsenal, tók það af Granit Xhaka.
Það eru þó ekki allir hrifnir af þeirri ákvörðun samkvæmt Athletic, bæði leikmenn liðsins og stuðningsmenn.
Margir hafa áhyggjur af sambandi Aubameyang við YouTube stjörnuna Troopz sem er reglulegur gestur hjá Arsenal Fan TV.
Gabonski landsliðsmaðurinn hefur á meðal annars boðið Troopz að horfa á leiki Arsenal í boxinu sínu á Emirates vellinum.
Sumir telja að það sé leið fyrir Aubameyang til að sleppa við opinberlega gagnrýni og sérstaklega á YouTube.
Þeir hjá Arsenal Fan TV eru með háværa rödd og hafa alltaf sitt að segja eftir slæma leiki eða frammistöður.
Enski boltinn á 433 er í boði 
