,,Það er ekkert skemmtilegra en að fá Heimsmeistarana hingað,“ sagði Kolbeinn Sigþórsson, framherji íslenska landsliðsins og AIK í Svíþjóð þegar við ræddum við hann í dag.
Þessi öflugi framherji er klár í slaginn gegn Frakklandi á föstudag, í undankeppni EM. Liðið mætir svo Andorra á mánudag.
,,Það verður gaman að taka á móti þeim og berjast í þeim, við þurfum að eiga toppleik. Halda í okkar skipulag, á móti Albaníu klikkaði það. Við þurfum að ná því upp.“
Kolbeinn er að komast í sitt besta form í Svíþjóð, spilar mikið. ,,Ég er búinn að spila 90 mínútur nokkra leiki í röð, mér finnst eins og þetta sé allt á uppleið. Ef ég mætti bæta einhverju við, þá væru það mörkin. Maður getur ekki beðið um allt.“
Kolbeinn var lengi fjarverandi vegna meiðsla, hann missti meðal annars af HM í Rússlandi. ,,Hungur í mér að komast á annað stórmót, besti tíminn á mínum ferli var að fara á EM. Auðvitað vil ég ná okkur aftur þangað, með þessu liði sem hefur náð þessum árangri.“
Viðtalið er í heild hér að neðan.