Paul Parker, fyrrum leikmaður Manchester United, hefur sent leikmönnum liðsins væna pillu.
Gengi United hefur ekki verið gott á tímabilinu og er Ole Gunnar Solskjær mögulega valtur í sessi.
Parker segir að það séu of margir egóistar í leikmannahópnum og að þeir eigi að færa sig yfir í einstaklingsíþróttir.
,,Eins og staðan er þá eru engir liðsmenn í liðinu. Lífið snýst um fylgjendur á Instagram eða á Twitter, þeir hugsa allir um sjálfan sig,“ sagði Parker.
,,Þeir skilja ekki að fótbolti er liðsíþrótt. Það væri best fyrir flesta af þeim að spila golf eða tennis þar sem þeir geta gert þetta sjálfir. Þeir henta ekki liðsíþrótt.“
