Fabian Delph yfirgaf Manchester City nokkuð óvænt í sumar eftir að hafa spilað reglulega á síðustu leiktíð.
Delph kom til City fyrir fjórum árum síðan en hann gerði samning við Everton í sumar.
Hann hefur nú útskýrt það að ákvörðunin hafi mest megnis verið tekin vegna enska landsliðsins.
,,Persónulega þá fannst mér vera kominn tími á breytingu,“ sagði Delph við the Daily Mail.
,,Ég hefði getað verið þarna áfram. Þeir voru ánægðir með mig og mér var sagt að vera áfram. Ég spilaði nokkuð stórt hlutverk.“
,,Ég vildi fá nýja áskorun og spila meiri fótbolta. Að spila fyrir England er risastórt fyrir mig og nú á ég meiri möguleika á að vera valinn.“
