Juventus samdi við besta unga leikmann heims í sumar segir leikmaður liðsins, Leonardo Bonucci.

Juventus tryggði sér þjónustu varnarmannsins Matthijs de Ligt en hann var á óskalista margra liða.

De Ligt er aðeins 19 ára gamall en hann var frábær fyrir lið Ajax á síðustu leiktíð er liðið komst í undanúrslit Meistaradeildarinnar.

,,De Ligt er besti ungi leikmaður heims um þessar mundir. Þetta skref mun hjálpa honum og við buðum hann velkominn,“ sagði Bonucci.

,,Hann ásamt Merih Demiral og Daniele Rugani, þeir eru mikilvægir ungir leikmenn sem munu hjálpa okkur að ná okkar markmiðum.“